O noso cole recibiu este diploma da Real Academia Galega en recoñecemento ao noso traballo no curso escolar 2018-2019 en prol do recordo e divulgación da vida e da obra de Antonio Fraguas, autor homenaxeado no Día das Letras Galegas 2019
Este diploma foi enmarcado e exposto na biblioteca do noso centro.
OS NENOS E NENAS DE 4º DE EDUCACIÓN INFANTIL SON XA UNS EXPERTOS FACENDO PAN DE MILLO.
NESTE PRIMEIRO TRIMESTRE, TENDO EN CONTA O PDI DO CENTRO "OS NOSOS OFICIOS" DESCUBRIRON TODO O PROCESO DE ELABORACIÓN DO PAN DE MILLO: PLANTAR, DEBULLAR, GARDAR, MOER, PENEIRAR, AMASAR, E POR SUPOSTO MERENDAR!
DEIXÁMOSVOS UN VÍDEO QUE REFLICTE TODO ESTE PROCESO.
OS EQUIPO EDLG (EQUIPO DE DINAMIZACIÓN DA LINGUA GALEGA) E DE BIBLIOTECA PROPUXEMOS ÁS FAMILIAS UNHA RECOMPILACIÓN DE REFRÁNS DE SAMAÍN E MAGOSTO A CAMBIO DE TRES LIBROS DA BIBLIOTECA.
A VERDADE É QUE FOI TODO UN ÉXITO! MOITAS GRAZAS POLA VOSA COLABORACIÓN.
Este ano, polo Samaín , elaboramos unhas postais para enviar a tres centros: CEIP Pérez Viondi (A Estrada), CEIP de Figueiroa (A Estrada) e CEIP Bergantiños (Carballo).
O alumnado de 4º de Educación Infantil, que este ano escolleron o oficio de "Granxeiros" dentro do Proxecto Documental Integrado (PDI) do centro, saíron plantar leitugas, millo, pirixel e menta.
O 24 de Outubro celebramos o Día das Bibliotecas Escolares cunha xuntanza na Biblioteca do Centro. Neste acto, presentóuselle ao alumnado o club de lectura "Os papalibros", o club de teatro "do tres ao catro", os distintos blogs do centro, o voluntariado de biblioteca deste curso escolar etc
Tamén se reproduciu un vídeo no que se pode observar o proceso de elaboración do mural "os nosos oficios"
Co fin de finalizar o acto e dar entrada ás festividades de Samaín e Magosto, o alumnado desfrutou do conto-vídeo "A bruxa regañadentes".
Presentamos a temática do Proxecto Documental Integrado (PDI) do noso centro cun mural que decora as escaleiras que suben ás aulas de Educación Primaria .
Durante este curso 2019-2020 o alumnado dos distintos niveis desenvolverán un traballo de investigación dos seguintes oficios tradicionais galegos:
- 4º de Educación Infantil : granxeiros
- 5º e 6º de Educación Infantil: zapateiros
- 1º e 2º de Educación Primaria: redeiras e palilleiras
O 11 de xuño o alumnado do noso cole participou na "Xincana en feminino" para poñer o punto final do Proxecto Documental Integrado "Muller tiña que ser".
Nesta actividade os alumnos e alumnas estiveron divididos en 7 equipos para realizar unhas probas relacionadas coa información aprendida durante este ano sobre as 7 mulleres do noso proxecto.
Este ano creamos no Ceip os Muíños un club de teatro ao que decidimos chamarlle "Club de teatro do Tres ao Catro" tendo en conta que esta actividade está dirixida ao alumnado de 3º e 4º de Educación Primaria.
Levamos varios meses ensaiando dúas obras de teatro que estrearemos o vindeiro venres 21 de xuño no festival de fin de curso do noso colexio.
O alumnado de terceiro preparou a obra "Rosiña non quere ser Carapuchiña".
Pola súa banda o alumnado de 4º de Educación Primaria presentará a obra "As catro cirurxiás".
O alumnado de 5º de Educación Primaria participou este ano no programa "Prensa-escola" grazas ao cal cada mércores recibiu varios exemplares de "A voz de Galicia".
Co fin de poder relacionar esta actividade co Proxecto Documental Integrado "Muller tiña que ser" , o Equipo de Dinamización da Lingua Galega xunto co Equipo de Biblioteca e o titor de 5º de Educación Primaria decidiron elaborar o mural "A voz da muller".
Para levar a cabo este proxecto, os alumnos de 5º trataron de buscar, reelaborar e traducir ao galego as novas nas que a muller era a protagonista.
O alumnado de 4º de Educación Primaria ilusionouse tanto coas cartas recibidas que tratou de responder coa maior rapidez e con moitas ansias de poder recibir máis cartas.
En plena celebración do Día das Letras Galegas, o alumnado do CEIP Os Muíños participou nunha actividade de gamificación co fin de axudar a doce superheroínas do Universo Marvel a completar o "Informe Antón Fraguas".
Esta actividade foi deseñada para aproximar aos nenos e nenas á figura de "Antón Fraguas", homenaxeado o pasado 17 de maio.
Para levar a cabo a investigación, cada superheroína creou o seu equipo implicando nenos e nenas desde 4º de educación infantil ata sexto de educación primaria.
Cada equipo tivo que completar dito informe a través da busca de información oculta e da resolución de problemas así como do seguimento de pistas que lle facilitaron o movemento entre as distintas estancias do colexio.
Nesta actividade o alumnado tivo contacto coa realidade aumentada, co uso de tinta invisible, coa descodificación de mensaxes, coa búqueda de palabras en sopa de letras, coa resolución de quebracabezas etc.
Unha vez que todos os grupos conseguiron completar o "Informe Antón Fraguas " cos datos biográficos requeridos, os tres primeiros grupos en finalizar a investigación, procederon a buscar tres números escondidos no ximnasio do centro. Unha vez atopados, tiveron que ordenalos de maior a menor para coñecer así os tres últimos díxitos do ano de xubilación de Antón Fraguas. Estos números foron necesarios tamén para poder abrir o cadeado dunha caixa na que as doce superheroínas enviaron un agasallo como agradecemento pola implicación do alumnado.
Aquí vos deixamos un vídeo no que queda ilustrado cada momento desta investigación.
Tendo en consideración o proxecto "Muller tiña que ser", este ano, o noso mural do Día das Letras Galegas, quixo ilustrar o pouco protagonismo que tivo a muller nesta conmemoración, xa que desde 1963, só catro escritoras galegas foron homenaxeadas: Rosalía de Castro (1963), Francisca Herrera Garrido ( 1987), María Mariño ( 2007) e María Victoria Moreno (2018)
O día 7 de maio, Andrea Maceiras visitou o noso centro, e en particular ao alumnado do club de lectura "Os papalibros", tendo en conta que levaban un tempo lendo o seu libro " Volverás, golfiño".
O día 3 de de maio, o alumnado de 5º e 6º de Educación Primaria participaou nunha actividade de convivencia no IES Ramón Caamaño co fin de conmemorar o "Día da Ciencia".
O 2 de maio, o alumnado de 4º de Educación Primaria participou nunha videoconferencia co CEIP Pérez Viondi na que lle presentaron o mundo de Viki Rivadulla.
