UN NADAL DE REFRÁNS

O  EDLG (Equipo de Dinamización da Lingua Galega) e o Equipo de Biblioteca agradecen ás familias e ao alumnado a súa gran participación na segunda campaña de expurgo deste curso.

ENVIAMOS POSTAIS DE NADAL

Polo Nadal, elaboramos postais para compartir con outros centros educativos:

- GALIÑA AZUL (MUXÍA)
- GALIÑA AZUL (FISTERRA)
- CEIP VIRXE DA BARCA (MUXÍA)
- IES RAMÓN CAAMAÑO (MUXÍA)
- CEIP ABANQUEIRO, EGIPTO (MUXÍA)
- CEIP DE FIGUEIROA (A ESTRADA)
- CEIP PÉREZ VIONDI (A ESTRADA)
- CPI SAN SADURNIÑO (FERROL)

 Deixámosvos un vídeo no que poderedes ver o proceso de elaboración.

OS APEIROS DE LABRANZA

O alumnado de 4º E.I., coa colaboración das súas familias, fixeron unha exposición de APEIROS DE LABRANZA.

Os nosos agradecementos para todas as familias.

OS OFICIOS

Tendo en conta o PDI "Os nosos Oficios", as escaleiras do centro recollen moitos dos oficios tradicionais ordenados alfabeticamente desde acibecheiro ata  zoqueiro.

O 3 de decembro, Día Internacional das Persoas con Discapacidade, no CEIP "Os Muíños" sumámonos á iniciativa pola inclusión social "Baixo o mesmo paraugas".

O paraugas simboliza a unión.

 Todos temos cabida baixo o mesmo paraugas, sen diferenzas. 

Este é o obxectivo: visibilizar unha sociedade diversa e plural, pero con desexos e ilusións por igual.

Neste acto reivindicativo, organizado e coordinado polo Departamento de Orientación do noso centro, alumnado de distintos cursos leron un manifiesto co motivo desta conmemoración.

CONMEMORACIÓN DO 25N DÍA INTERNACIONAL CONTRA A VIOLENCIA DE XÉNERO

O luns 25 de novembro pola tarde leváronse a cabo varias actividades organizadas polo Equipo de Dinamización da Lingua Galega, polo Equipo de Biblioteca, e polo Equipo de Extraescolares para conmemorar o Día Internacional contra a Violencia de xénero. 

Alumnado, mestres e personal non docente vestimos unha camiseta branca decorada coa silueta de Pepa, que representa a todas as mulleres vítimas da violencia de xénero. 

Na hora de levar levamos a cabo o Acto de Conmemoración na Biblioteca do centro e foi presentado por  alumnado voluntario de  6º de Educación Primaria: Raquel, Adela, Shamira, Andrea, Yeison, Judith e Gabriela.

Estos sete alumnos contáronnos por que se conmemora esta data e vimos un vídeo das irmáns Mirabal: Patria, Minerva e María Teresa que foron asasinadas o 25 de novembro de 1960.

Carla e Luc, membros do club de lectura "Papalibros" contaron o conto de Rocío Bonilla "Max e os superheroes":

Cantamos a canción "Saír Correndo" de Amaral, versionada ó galego polo Equipo de Dinamización da Lingua Galega.

Rematamos o acto no ximnasio facendo un enorme lazo, símbolo da loita contra a violencia de xénero. Cantamos tres veces o retrouso da canción.

25N DÍA INTERNACIONAL CONTRA A VIOLENCIA DE XÉNERO

Desde o noso colexio quixemos visibilizar a problemática da violencia de xénero  que está presente na nosa sociedade. Para iso, démoslle protagonismo a "Pepa", unha moza que representa a todas as mulleres vítimas da violencia de xénero e á que o noso alumnado lle escribiu mensaxes de axuda, apoio, etc nun mural colaborativo.