27/5/19
OS REPORTEIROS DE 6º DE EDUCACIÓN INFANTIL
Dentro do proxecto "Muller Tiña que Ser" o alumnado de 6º de Educación Infantil entrevistou a varias mulleres do noso cole para saber un pouco máis delas.
26/5/19
23 de ABRIl: DÍA DO LIBRO
O 23 de Abril conmemoramos o día do libro.
Cartel elaborado por estas tres alumnas de 6º de E.P.
Pola mañá, o alumnado dos distintos niveis de educación infantil e educación primaria participaron nun maratón de lectura no que se levou a cabo a lectura do libro "Pippi Mediaslongas".
Neste maratón de lectura tamén quixeron participar dúas nais e unha avoa.
Na hora de ler, reunímonos todos na biblioteca, onde tres nenas de 6º E.P. e catro de 4º E.P. nos quixeron deleitar cunha canción creada por elas mesmas titulada "En galego, nós lemos".
Tamén se aproveitou este momento para entregar varios diplomas ao alumnado, profesorado e membros das familias que están moi achegadas a actividades relacionadas coa lectura de libros na biblioteca.
2 de Abril: día Mundial de Concienciación sobre o Autismo
O 2 de abril quixemos sumarnos á sensibilización do Día Mundial de Concienciación sobre o Autismo, polo que saímos ao patio para representar coas nosas mans o símbolo do infinito.
21/5/19
O alumnado de 4º envía unha carta ao CEIP PÉREZ VIONDI de A ESTRADA
O 5 de abril, o alumnado de 4º envíalle unha carta ao alumnado do CEIP PÉREZ VIONDI, na que lle falan do contexto do noso cole, das festas de Muxía, do congro, dos monumentos máis importantes etc.
Ademais cada alumno/a elixe con quen lle gustaría cartearse en vindeiras ocasións.
Esperamos ansiosos polas súas cartas.
Ademais cada alumno/a elixe con quen lle gustaría cartearse en vindeiras ocasións.
Esperamos ansiosos polas súas cartas.
Recibimos a primeira carta dende O CEIP PÉREZ VIONDI (A Estrada)
O 1 de abril o alumnado de 4º de Educación Primaria recibiu unha carta do Ceip Pérez Viondi de A Estrada, na que contan algunhas tradicións da súa zona.
MULLER
O Equipo de Dinamización da Lingua Galega xunto co Equipo de Biblioteca adaptou o poema "Muller" de Juana Corsina á lingua galega, co fin de expoñelo nunha das paredes do centro, por mor do "Día Mundial da poesía".
CONMEMORACIÓN "DÍA MUNDIAL DA POESÍA"
Ademais dúas nais, unha avoa , e outras profesionais xubiladas do noso centro participaron lendo poesía para o noso alumnado.
VERSOS DE MULLER
CONCURSO DE LECTURA DE POESÍA
Trinta e un alumnos/as do centro participan nun concurso de lectura de poesía convocado polo equipo de biblioteca do noso cole.
Os gañadores foron:
1º e 2º de Educación Primaria: Daniel
3º e 4º de Educación Primaria: Luc
5º e 6º de Educación Primaria: Valentina
Mural elaborado polo alumnado de 6 º Educación Primaria
CONMEMORACIÓN 8 DE MARZO "DÍA INTERNACIONAL DA MULLER"
O 8 de marzo conmemoramos o "Día Internacional da Muller" grazas a colaboración de:
- O alumnado de 4º e 5º de Educación Infantil que nos mostrou un vídeo no que quixeron dar agradecemento a algunha muller importante nas súas vidas.
- Saray Riveiro, ex-alumna do centro que nos quixo deleitar coa canción "Stay with me".
- O alumnado da área de Valores Sociais e Cívicos de 6º de Educación Primaria que presentou o cartel elaborado para a participación no concurso para o deseño do cartel do día 8 de marzo “Día Internacional da Muller” convocado pola Secretaría Xeral de Igualdade, Dirección Xeral de Educación, Formación Profesional e Innovación Educativa.
- O alumnado de 6º de Educación Primaria, que versionou unha canción en linguaxe de signos e traducida á lingua galega pola mestra de música do centro.
- O alumnado de 4º e 5º de Educación Infantil que nos mostrou un vídeo no que quixeron dar agradecemento a algunha muller importante nas súas vidas.
- Saray Riveiro, ex-alumna do centro que nos quixo deleitar coa canción "Stay with me".
- O alumnado da área de Valores Sociais e Cívicos de 6º de Educación Primaria que presentou o cartel elaborado para a participación no concurso para o deseño do cartel do día 8 de marzo “Día Internacional da Muller” convocado pola Secretaría Xeral de Igualdade, Dirección Xeral de Educación, Formación Profesional e Innovación Educativa.
- O alumnado de 6º de Educación Primaria, que versionou unha canción en linguaxe de signos e traducida á lingua galega pola mestra de música do centro.
VÍDEO 8 M (alumnado de 4º e 5º de Educación Infantil)
CONCURSO CARTEL 8 DE MARZO
Durante o mes de febreiro, o alumnado de 6º de Educación Primaria da área de Valores Sociais e Cívicos, elaboraron un cartel no que quixeron reflectir o camiño cara a
igualdade de homes e mulleres.
Coa imaxe elaborada, participaron no concurso para o deseño do cartel do día 8 de marzo “Día Internacional da Muller” convocado pola Secretaría
Xeral de Igualdade, Dirección Xeral de Educación, Formación Profesional e
Innovación Educativa.
Para a súa elaboración, levaron a cabo unha tormenta
de ideas sobre o que normalmente asociamos á muller e ao home respecto ás
tarefas do fogar, ás cores, á vestimenta, etc.
Posteriormente quixeron contrastar a mirada dos
nenos e das nenas con respecto ao mundo de moitos adultos, polo que como
podedes observar no cartel, a muller leva coma sempre na súa mochila
certas cargas asociadas, como son o tendal da roupa, o carro da compra ou a
lavadora.
Pola súa banda, o home, leva un maletín coa cana de
pescar, o xornal, a televisión, a pelota de fútbol, a calculadora, os cartos e
unha bombilla xa que é el normalmente o encargado dos arranxos eléctricos, o
que parece que ten o poder económico, e tamén o que se pode divertir ou
descansar.
Sen embargo, no mundo dos nenos e nenas, a visión é
moi diferente. Ambos os dous rapaces, sen distinción de sexo, levan en cadansúa
mochila unha boneca, un coche e unha pelota.
Tamén quixeron reflectir o mundo das cores a
partires dun arco da vella no que os nenos e as nenas, non asocian ningunha cor ao seu xénero. Non lles preocupa levar un xersei rosa, azul,
vermello ou amarelo.
Pola contra, no mundo dos adultos, o tradicional é que se asocie cores
coma o rosa ou o morado ao xénero feminino e cores coma o azul ao xénero
masculino.
20/5/19
MULLERES SEN MÁSCARA
Suscribirse a:
Entradas (Atom)