Seguimos xogando en rede: "Os pelouros"

Traemos hoxe outro xogo co que podemos presumir de rapidez e habilidade coas mans. É o xogo dos pelouros. En castelán coñécese tamén como "las tabas", aínda que se xoga con pequenos ósos, e non con pedriñas. 

En calquera recuncho podedes atopar os elementos cos que xogar. Só hai que poñer vontade, ensaiar, e buscar contrincantes, co que o xogo resultará máis divertido. 

O almorzo

De todos é sabido que a comida máis importante do día é... o almorzo! En galego o almorzo é a primeira comida do día, o que en portugués chaman "pequeno almoço", en francés "petit déjeuner", en castelán "desayuno" e en inglés "breakfast". Lembrade que en castelán "el almuerzo" é o noso "xantar" (a comida do mediodía), e en portugués, o xantar é a nosa cea, é dicir, a comida da noite... menudo lío, non?

O caso é que o almorzo é a comida máis importante do día e ben merece un capítulo aparte. 

Aquí vos deixamos un bo resumo do que é aconsellable no almorzo (non todo xunto, por suposto), por se tedes dúbidas acerca de que podedes preparar cada mañá.

"Martiño Peregrín", por Uxía Lambona e a Banda Molona

Pois xa nos fixeron a banda sonora para este curso! Vese que "Uxía Lambona e a Banda Molona" tomaron nota do noso proxecto e puxéronse a pensar nunha cantiga ben bonita (molona) para traballar e aprender ben ambientados. Va que vos gusta e vos mola?

E por se fose pouco, podedes xogar coa letra da canción con esta actividade interactiva que atopamos pola rede: Grazas a Blpires por compartir. 

Pai, fillo , nai

Desde a Rede do Patrimonio Cultural ofrécennos algunhas suxestións para xogar con elementos sinxelos que podemos atopar na natureza. Este xogo coñecémolo tamén por "Tres en raia". É doado xogar en parellas, e aproveitamos para mellorar a nosa capacidade de concentración e a lóxica. Xogamos?

O TEMPO QUE VAI

Comezamos este ano coa conversa máis recurrente : falar do tempo. É que o ano novo non tivo desperdicio!: frío, neve, xeadas,... Pero, estamos seguros de usar as palabras correctas? Desde a TVG temos unha asesora lingüística de excepción. 

Por exemplo: estes días todos vemos de camiño á escola a "xeada" ou a "xiada"?

 

 Ademais, aquí non falamos do tempo que "fai", senón do tempo que "vai":

 

E xa que estamos falando do tempo, como facemos para "ler" a predición do tempo?

E se queres saber máis, aínda podes entrar na páxina de "Orgullo Galego" e averiguar cantas formas temos para falar da choiva.

Pero xa vos adianto, que para a folerpa de neve, podemos aprendernos estas:

Por certo, aquí nevar non neva, pero saraibar, saraiba. "Granizar"... non, non "graniza"...

CHEGAN O SAMAIN E O MAGOSTO!

Pois si... Acabamos de comezar e xa temos aquí o Samaín, e de paso... Magosto! Non é doado facer festa coa máscara, coa distancia... Pero a nós gústanos disfrutar das tradicións, e non imos abandonalas tampouco este ano. Así que... cabazas e castañas! 

Para non deixar de pasalo ben, traemos un cantar de cego que vai servir para aprender como temos que organizarnos este curso. Ah! Que non sabedes o que é un "cantar de cego"? Nesta entrada do blog do Museo Etnolóxico de Ribadavia explícano clariño.

Mentres, escoitade a Iria e a Carla...

DIA INTERNACIONAL DO MEDIO AMBIENTE

Hoxe, 5 de xuño, celebramos o "Día Internacional do Medio Ambiente" .

Deixámosvos un vídeo do tema "ecoloxistas" do álbum "A fraga do meu avó" do grupo musical Mamá Cabra.

LETRAS GALEGAS 2020

Hoxe, 17 de maio, Día das Letras Galegas, rendemos homenaxe ao 

escritor, filólogo e profesor Ricardo Carvalho Calero, grazas á colaboración e participación do alumnado e familias.

Carla e a súa familia desfrutaron do conto "As pitas 
baixo a choiva", un dos máis famosos do escritor 
e enviaron esta imaxe.

O alumnado de 1º e 2º E.P. fálanos da vida e obra do escritor, 
a tráves do xogo "Pásame a pelota e falas de Ricardo 
Carvalho Calero porque che toca". 

O alumnado de 6º E.P. e Aurelia, a mestra de Lingua Galega, 
para conmemorar esta data fixeron unha lectura compartida 
a través da aplicación Cisco Webex. 
Escolleron "A xente na barreira", a primeira novela en galego
 publicada na posguerra. 

Len o capítulo "O maragato"

          

O noso agradecemento, unha vez máis, ao profesorado,

 alumnado e familias por facer posible todo isto,  dándonos

 a oportunidade de conmemorar, a pesar da distancia,  un 

día tan importante como o das NOSAS LETRAS.

PROPOSTAS E RECURSOS LETRAS GALEGAS 2020

O vindeiro domingo 17 de maio é o Día das Letras Galegas. A crise do Coronavirus obligou a aplazar esta celebración para o día 31 de outubro. 

A pesar dos cambios no calendario de actividades presenciais, a Real Academia Galega ( RAG) quere que o 17 de maio sexa igualmente unha celebración colectiva a través de recursos dixitais, por iso, desde o noso centro, os equipos de Biblioteca e Dinamización da Lingua Galega temos unhas propostas para Infantil e 1º- 2º E.P. así como recursos dixitais para o alumnado de 3º a 6º E.P. coa intención de divulgar a figura e obra do filólogo, escritor e profesor Ricardo Carvalho Calero, homenaxeado nas Letras Galegas 2020.

PROPOSTA PARA ED. INFANTIL

"As pitas baixo a choiva" é un dos contos máis famosos do escritor.

  
 A actividade consiste en desfrutar do conto en familia e colorear a imaxe ( no caso de dispoñer de impresora) ou facer un debuxo relacionado coa lectura. 

Para imprimir, preme na imaxe:

PROPOSTA PARA 1º-2º E.P.

A actividade titúlase "Pásoche a pelota e falas de Ricardo Carvalho Calero porque che toca".

1.- A familia do alumnado que queira participar na actividade terá que enviar unha mensaxe ao correo electrónico muinhos.curuxa.gal@gmail.com

2.- Recibiredes a través do correo un pequeno texto sobre a vida do escritor.

3.- Teredes que practicar esa pequena lectura.

4.- As familias gravarán un vídeo ao alumnado dicindo ese pequeno texto e o enviarán ao correo electrónico.

5.- Coas gravacións recibidas elaborarase un vídeo que levará o título da actividade.

RECURSOS DIXITAIS PARA O ALUMNADO DE 3º-6º E.P.

O alumnado de 3º a 6º E.P. , para que pasedes un bo rato desfrutando en aprendendo cousiñas da vida e obra de Ricardo Carvalho Calero, deixamos aquí estes recursos:

- DON RICARDO, O XOGO.

- O MISTERIO DA CASA DE RICARDO CARVALHO CALERO.

- PASAPALABRA RICARDO CARVALHO CALERO

Outros recursos:

- Ricardo Carvalho Calero- Real Academia Galega

- Unha palabra de Don Ricardo- Real Academia Galega

- Primavera das Letras- Real Academia Galega

- Ricardo Carvalho Calero no programa "A Trabe de Outro" da TVG ( 1987)

- Sete palabras do teatro de Carvalho- Portal das palabras.

- A poesía de Carvalho Calero en sete palabras- Portal das palabras.

- Seminario Galán

- O portal da Lingua Galega

- Carvalho Calero 2020- AGAL

- Rede lectura: novidades editoriais sobre Ricardo Carvalho Calero.

Animádevos a participar!

BÓTANOS UNHA MAN E FAI UN VÍDEO CON UN REFRÁN

Grazas á colaboración e participación do alumnado e familias, aquí estamos a 1 de maio, Día Internacional do Traballador, festexándoo cun refraneiro galego que fai alusión aos oficios. 

A sabedoría popular nunca falla, tomemos nota dos seus consellos..

Outros refráns...

Verbas de oficios...

O noso agradecemento ata o infinito e máis,  ao  alumnado e familias participantes na proposta, porque todo isto é posible, grazas a  vós.