EXPOSICIÓN DE COGOMELOS

  Esta semana, dentro do mes da ciencia en galego, contamos no centro cunha exposición de cogomelos da asociación AMABUL. Nela puidemos coñecer a importancia ecolóxica e ambiental destes seres vivos, ademais de identificar as súas principais características e as normas básicas para poder apañalos, grazas á guía de Daniel, da Asociación Micolóxica "Pan de Raposo" de Cee.

Podedes ver a exposición de maneira virtual de novo na seguinte ligazón:

https://www.amabul.org/divulgacion-ambiental/wood-wide-web-a-rede-que-da-vida-ao-planeta/

Sigamos aprendendo sobre ciencia en galego!

Deica pronto!

DÍA DE NEIRA VILAS

O pasado luns, día 3 de novembro, celebrouse o día de Neira Vilas. Na data do seu nacemento conmemoramos a un dos escritores máis destacados da nosa literatura, realizando unha exposición da súa obra dende a biblioteca escolar, que lles permitiu ao alumnado achegarse á lectura dalgúns dos seus títulos máis destacados. 

DÍA DAS ESCRITORAS 2025

Benvidas ao novo curso!

Retomamos a actividade do blog celebrando o Día das Escritoras. Pero...sabedes por que se celebra este día?
A Bibilioteca Nacional de España celebra cada ano esta data, dende o 2016, co obxectivo de reivindicar o labor e o legado literario das mulleres, en cumprimento do 5º ODS da Axenda 2030, Igualdade de xénero.
Dende o Niño da Curuxa unímonos á celebración desta data, visibilizando a vida e obra de varias autoras que foron e son parte da literatura galega. Para coñecelas podedes visitar a exposición dalgunhas das súas obras que atoparedes na biblioteca e ver o vídeo que a continuación vos deixamos.

Agardamos que gocedes das súas lecturas!

Aquí unha mostra do traballo realizado polo alumnado de Educación Infantil sobre a poetisa Dora Vázquez.

Letras Galegas 2025

O día 17 de maio celébrase o Día das Letras Galegas, un día moi importante para todos. Este ano adicóuselle o día as Cantareiras, todas esas mulleres que levaban na gorxa un altavoz no que contaban todo o que lles ocorría no seu día a día e que deixaron un gran patrimonio oral que foi pasando de xeración en xeración. 

O alumnado de Infantil adicaronse a decorar e presentar toda a conmemoración, ademais, como sorpresa cantaron e bailaron unha muiñeira para todos, fixerono xenial! 

Os nenos e nenas de 1º EP e 2ºEP falaron de Eva Castiñeira, ata trouxeron un disco de vinilo para ensinar. 

O alumnado de 3ºEP fixeron un traballo sobre Adolfina e Rosa de Cerceda, e ata cantaron e bailaron muiñeira. Son todos e todas uns e unhas artistas!

Os alumnos e alumnas de 4ºEP estiveron a investigar sobre os Cancioneiros e a verdade é que sacaron moita información.

Os e as de 5ºEP falaron das Pandereteiras de Mens, fixeron un gran traballo!

E os mais maiores do cole sobre a Poesía popular e as actuais cantareiras, elixindo a Mercedes Peón, Tanxugeurias e Fillas de Cassandra, entre outras moitas...

Aquí vos queda un pequeno vídeo..

QUE MULLER!

O día 8 de marzo celebrouse o Día da muller e, neste caso, os alumnos e alumnas de 5ºEP quixeron ensinarnos as mulleres da súa vida. 

Destacan esas nais amigables, as avoas de sorriso eterno, as amigas inseparables ou as irmás loitadoras, entre outras. 

O día de Rosalía de Castro

 

O día 23 de febreiro conmemorouse o día de Rosalía de Castro, e nos, non íamos deixalo pasar. Ademais do tendal de Rosalía e do recitado de poemas proposto pola biblioteca, moitas aulas quixeron tela máis presente. 

Por aquí vemos algunhas das actividades que fixeron os alumnos de 5ºEP e de EI. 

NADAL NO COLE!

 O día 20 de decembro celebramos o Nadal no cole, pola mañá dende o EDLG quixemos levar a cabo algunhas actividades divertidas para todo o alumnado. 

Primeiro, fixemos diferentes talleres de adornos de nadal: en infantil fixeron uns renos moi bonitos, en primeiro e segundo de primaria unhas árbores con la do máis orixinais, en 3ºEP e 4ºEP unhas árbores con moito "brilli-brilli" e os máis maiores fixeron uns adornos para o lapis. 

Despois veu Papá Noel a recoller as nosas peticións e a darnos moitísimos caramelos. E por último, tivemos as Badaladas do 2024 con gusanitos e moita música, xa que fixemos unha pequena discoteca, pásamolo xenial por iso non temos moitas fotos. 

Pero os días anteriores tamén estivemos a traballar, fixemos unha árbore de Nadal con botellas de auga recicladas, que pintamos de verde. Despois, todas as persoas do cole: os alumnos, profes, o conserxe Pablo, Marisa a limpiadora e Asun e Sandra do comedor pegamos o noso desexo deste ano. 

Dende o equipo de dinamización da lingua galega esperamos que o pasárades moi ben e que veñades con forza e ganas para seguir traballando. 

Ailá de Nadal 2024-2025

Este ano a SXPL presentanos este disco de cancións de Nadal con Ailá que pretende divulgar e coñecer o patrimonio galego de tradición oral e cultural destas datas. 

Esperamos que vos gusten moito que empreguedes as cancións para celebrar e ambientar estas datas. 

Ailá de Nadal

Felices festas! 

Día Internacional da Discapacidade 2024.

A discapacidade é a condición na cal unha persoa ten dificultades para realizar algunhas das actividades, xa sexa por deficiencias físicas ou mentais. 

O que buscamos é a INCLUSIÓN o que significa que temos que garantir que todos teñas as mesmas oportunidades para participar nos aspectos da vida, que desenvolvan as súas capacidades e que cumpran os seus desexos. 

Dende o CEIP Os Muiños, o día 3 de decembro, quixemos conmemorar o Día Internacional da Discapacidade polo que estivemos traballando nesta temática. O que buscamos foi realizar unha instalación a través de vendas con palabras escritas que reflexactisen a inclusión das persoas con discapacidade. 

Participou todo o alumnado por parellas, os mais maiores ían axudando aos mais pequenos, sobre todo aos que aínda non saben escribir, e cada unha das parellas fixo a súa venda como máis lle gustou, o resultado pódese ver colgado na entrada do cole, queremos que estea sempre presente que buscamos a inclusión, polo que esperamos que dure moito. 

Un saúdo dende o EDLG, ata a próxima. 

DÍA DAS ESCRITORAS

Volta a escola e volta ao equipo de dinamización da lingua galega.

O día 14 de outubro foi o Día das escritoras e os nenos e nenas do CEIP Os Muiños quixeron celebralo, algúns con debuxos dalgunhas escritoras coñecidas, como Educación Infantil que nos debuxou a María Canosa, outros falando un pouco das dificultades que tiñan as mulleres que querían escribir e outros entrevistaron a coñecidos para falar sobre as escritoras que máis lle gustan...

Neste vídeo podedes ver algúns dos seus traballos.