O venres 21 de febreiro celebramos no noso colexio o Festival de Entroido "Carnaval de oficios" que este ano tivo como temática "Os oficios tradicionais galegos".
Participamos todos: alumnado, mestres e persoal non docente. Houbo unha grande afluencia de familias e amigos que quixeron compartir connosco este festival.
A Chiquitropa, con moito ritmo, saíu polos corredores do colexio e detrás empezaron a desfilar todos os oficios protagonistas deste curso escolar cara o ximnasio, lugar onde nos xuntamos todos para desfrutar o Entroido.
Da comezo ao festival a Chiquitropa( 1º e 2ºE.P.) interpretando unha versión da canción de Teresa Rabal que titulan:
"OS NOSOS OFICIOS NESTE CARNAVAL"
A continuación desfilan os granxeiros de 4º Infantil. Interpretan unha canción que titulan:
"O entroido vai comezar"
Os zapateiros de 5º6º Infantil xa están en escea.
Cántannos unha canción que titulan:"É a hora dos zapateiros"
Os redeiros e palilleiras de 1º e 2º están preparados para a súa disputa dialéctica. Cantaron unha regueifa que titulan:
"Enredo de bolillos"
É a quenda dos oleiros de 3º.
Cantan e bailan unha canción que titulan : "Baila cos oleiros"
E aquí están en escena os cesteiros de 4º. Cantan e bailan unha canción que titulan
"Vive o entroido"
Chegou a quenda dos mariñeiros de 5º. Deléitáronnos cunha comparsa que titulan:
"Os de quinto andamos ao mar"
Dan remate a este festival de oficios, os carpinteiros de 6º. Cantaron unha canción que titulan:
"Entroidoficios"
O noso agradecemento a todo o alumnado, persoal non docente, mestres e familias. Sen a vosa implicación e colaboración, nada disto sería posible.
O alumnado de terceiro pertencente ao club de teatro "Do Tres ao Catro", comezou hoxe día 20 de febreiro a practicar a obra de teatro "O país sen nome".
O alumnado de educación infantil,
1º, 2º , 3º e 4ºparticipou onte, día 19 de febreiro, nun
obradoiro sobre as emocións e o de 5º e 6º de EPen “Actúa contra o
cancro, actúa pola saúde” grazas a AECC (Asociación Española contra o cancro).
Aquí vos deixamos un vídeo elaborado polos equipos de Dinamización da Lingua Galega e Biblioteca do centro para ensaiar o poema musicado de Rosalía de Castro a través de pictogramas, o cal recitaremos todos o próximo venres 28 de febreiro.
