Francisco Fernánez del Riego é o persoeiro ao que adicamos este ano o "Día das Letras Galegas". Naceu en Vilanova de Lourenzá (Lugo) en 1913 e morreu en Vigo en novembro de 2010. Para coñecelo mellor, a Real Academia Galega publica unha serie de videos que nos achegan á súa vida, e á importancia que tivo o seu traballo para a cultura galega.
Este primeiro capítulo titúlase "As luces primeiras", e vainos dar a coñecer a Francisco (ao que todos chamaban Paco) cando era neno.
Este "Nove metros" foi o poema que deu a coñecer ao poeta ceense Xose Iglesias. Publicouno en youtube e naquelas alturas supuxo un salto moi importante: a poesía espallábase por estas outras redes, as de INTERNET.
Neste mes de febreiro que conmemoramos o nacemento de Rosalía, atopamos esta artística curta na que buscamos a Rosalía de Castro na paisaxe, seguindo un dos seus poemas. Va que eres quen de aprendelo?
Deixamos aquí un par de suxestións para traballar nestes días: unha cantiga que convida a imitar as aves: "Voa, voa, paxariño", e unha sinxela manualidade para encher a nosa aula de niños. Queredes probar?
"A partir da Candeloria, ningunha ave voa soa", seica di o refrán. Isto é así porque, segundo a tradición, os paxariños casan neste día, o 2 de febreiro.
Sempre que pensamos nos animais mariños, imaxinamos peixes e mamíferos que viven baixo as augas. Pero tamén hai aves mariñas, que viven e se alimentan dos recursos que o mar ofrece, e que se adaptaron ás duras condicións deste medio frío e cambiante. O corvo mariño cristado, as gaivotas e os araos van ser os escollidos este curso para adentrarnos no fascinante mundo das aves.
Deixámosvos este video como mostra da relación que as persoas temos con estes seres vivos, que se adaptan a nós e ao que nós construímos (e destruímos), que sobreviven ao noso carón sen que reparemos nelas, e nalgúns casos, van desaparecendo da nosa vista para que nunca máis volvamos velas.
Damos un paseo virtual pola costa?
