OFICIOS EN VERSO

Outra das actividades, que tiñamos prevista para rematar este 2º trimestre, o vindeiro 3 de abril, e que non podemos levar a cabo dada a ampliación do período de confinamento era a "Festa da Primavera e da Poesía".

Como ben sabedes, cada curso tiña que inventar unha poesía relacionada co seu oficio e recitala o día da festa, acompañados de familias, que tamén, voluntariamente, participarían recitando poemas da temática do PDI "Os nosos oficios".

De novo, os equipos de Biblioteca e Dinamización da Lingua Galega (EDLG) queremos contar coa vosa colaboración, para dalgunha maneira, dar remate a este trimestre.

A nosa proposta para o alumnado de Infantil e Primaria é a seguinte:

- En familia, inventar unha poesía do oficio que estades traballando este curso, podendo relacionala, se queredes, coa palabra de moda "Coronavirus".

- Escribir e ilustrar a poesía inventada nunha folla que teñades á vosa disposición (mellor nun folio).

- Enviar a fotografía da vosa poesía ao correo electrónico: muinhos. curuxa.gal@gmail.com

- Período de entrega dos poemas: do luns 30 de marzo ao domingo 5 de abril.

Agardamos con moita ilusión os vosos poemas!

Os nosos oficios e Coronavirus é o lema!

CONCURSO DE LECTURA DE POESÍA EN VOZ ALTA "OFICIOS EN VERSO" "#ConcursoNaCasa"

Hoxe, domingo 29 de marzo, recibimos catro vídeos: Daiana, Xavi , Claudia, Dani .e Antonio

Daiana ( 3º E.P.)

"O oficio do poeta"

Xavi( 5ºE.P.)

"As miñas mans de artesán"

Claudia ( 2º E.P.)

"De maior quero ser..."

Dani ( 3º E.P.)

"O oficio do poeta"

Antonio (1º E.P.)

"De maior quero ser..."

O noso agradecemento ao alumnado e familias.

CONCURSO DE POESÍA EN VOZ ALTA "OFICIOS EN VERSO" "#ConcursoNaCasa"

Os equipos de Dinamización da Lingua e de Biblioteca estamos moi contentos porque recibimos dous vídeos máis do Concurso de poesía en voz alta "Oficios en verso": Rafa  e Xoel.

Rafa ( 3º E.P.)

"O oficio do poeta"

Xoel ( 5º E.P.)

"As miñas mans de artesán"

Recordade que o prazo remata mañá, domingo 29 de marzo.

O noso agradecemto ao alumnado e as familias.

Animádevos!

VIDEOCONTOS PARA DESFRUTAR EN FAMILIA

Aquí tedes unha recompilación de videocontos para desfrutar en familia estes días de confinamento.

Para acceder aos contos tes que premer nas portadas.

 Os dous primeiros elaboráronse no noso colexio. 

Botade unha ollada.

 Fermosos recordos...

27 DE MARZO: DÍA MUNDIAL DO TEATRO

O Día Mundial do Teatro celébrase cada 27 de marzo e foi  creado polo Instituto Internacional de Teatro ( ITI) no ano 1961. O principal obxectivo é dar a coñecer o que representa o teatro para a cultura a nivel mundial. 

No noso colexio hai, desde o pasado curso, un club de teatro "Do tres ao catro" formado polo alumnado de 3º e 4º E.P.

Relacionamos esta actividade co PDI "Os nosos oficios". Tivemos un primeiro contacto neste segundo trimestre con dúas obras que esperamos representar no festival de fin de curso 2019-2020: "O país sen nome" ( 3º E.P.) e "Os oficios de Pamparato" ( 4º E.P.).

CONCURSO DE LECTURA DE POESÍA EN VOZ ALTA "OFICIOS EN VERSO" "#ConcursoNaCasa"

Recibimos os primeiros poemas recitados do Concurso de lectura de poesía en voz alta "Oficios en verso".

Hai, de momento, tres participantes: Pedro, Diego e Andrés. 

Pedro ( 2ºE.P.) 

 "De maior quero ser"

Andrés ( 2ºE.P.)

"De maior quero ser"

Diego ( 3º E.P.)
"O oficio do poeta"

Esperamos que haxa máis participantes.

Recordade que o último día é o domingo, 29 de marzo.

O noso agradecemento ao alumnado e familias.😉

MARZO, MES DA POESÍA

Os equipo de Biblioteca e Dinamización da Lingua Galega propoñen levar adiante o Concurso de poesía en voz alta "Oficios en verso",  para o alumnado de Primaria a pesares da situación excepcional que estamos vivindo.

"#ConcursoNaCasa"

Aquí vos deixamos os poemas que deberedes recitar en voz alta, gravar en vídeo e enviar ao seguinte correo electrónico muinhos.curuxa.gal@gmail.com antes do domingo 30 de marzo pola noite.

 Poema para o  alumnado de

 1º e 2º de Educación Primaria 

 Poema para o  alumnado de

 3º e 4º de Educación Primaria 

 Poema para o  alumnado de

 5º e 6º de Educación Primaria 

VAILLE CO CONTO AO PROFE!

Aquí tedes o resumo da actividade "Vaille co conto ao profe" do segundo trimestre. Faise martes e xoves no recreo de mañá. O profe séntase no recuncho e o alumnado escolle un libro para contar.

O alumnado agradece a María, Fita, Jessica e Sandra 

por escoitar.

CONTOS DE OFICIOS

No segundo trimestre iniciamos o proxecto  "Contos de oficios" no que as familias, os venres no recreo da mañá,  teñen o seu espazo na biblioteca escolar contando contos relacionados coa temática oficios. 

Así rematou o conto de Paco Papán...

Contos con encanto!! 😉

O noso agradecemento a Ana, Leti, Ruth e Mara .

8 DE MARZO: DÍA INTERNACIONAL DA MULLER

No noso colexio conmemoramos o Día Internacional da Muller, cun  obradoiro de actividades pola igualdade.

Participou todo o alumnado, desde Infantil a 6º E.P. 

 

Infantil: Contacontos "ELMER"

1º2ºE.P.: contacontos "O libro dos Porcos"

3º- 4º E.P. "Oca da igualdade"

5º-6º E.P.: "Pasapalabra inclusivo"

CONMEMORACIÓN DO DÍA DE ROSALÍA

 

Cada 24 de febreiro conmemórase o nacemento de Rosalía de Castro, a poeta de referencia da lingua galega.

O noso colexio celebrou na biblioteca o seu aniversario o 28 de febreiro, sumándose á Asociación de Escritoras e Escritores en Lingua Galega baixo o lema Errantes polo mundo a través de diversas actividades propostas polos equipos de Biblioteca e Dinamización da Lingua Galega. 

"Adios ríos, adios fontes" de Cantares Galegos é o poema escollido para tratar o tema da migración. 

No recreo da mañá houbo un recital de poemas da poeta: VERSOS DE ROSALÍA.

Participou moito alumnado, uns lendo e outros escoitando. 

Aquí tedes o vídeo do recitado de poemas de Rosalía.

Entrega de marcapáxinas a todos os participantes: lectores e ouvintes. 

Na Hora de Ler xuntámonos para ver o vídeo "Tempos de Rosalía" e recitar o poema musicado "Adios ríos, adios fontes". 

Presentou o acto o alumnado do Voluntariado da biblioteca.

 "Tempos de Rosalía"

Poema musicado "Adios ríos, adios fontes"

TEMPOS DE ROSALÍA

Na semana dedicada a Rosalía, todo o alumnado do Voluntariado de biblioteca participou facendo unha sinopse da vida da poeta. O 20 de febreiro gravouse o vídeo e decoráronse as camisetas que utilizaron na actividade que se titula: 

 Tempos de Rosalía.

 https://www.calameo.com/books/0040664350faea382749d

Os equipo de  Dinamización da Lingua Galega e Biblioteca agradecen ao Voluntariado a súa implicación nas actividades propostas para a celebración do Día de Rosalía. 
Desfrutade o vídeo!

ADIOS RÍOS, ADIOS FONTES

Na semana do 17 ao 21 de febreiro os equipos de Biblioteca e Dinamización da Lingua Galega propuxeron unha actividade colaborativa titulada "Adios ríos, adios fontes".

A actividade consistiu en:

1.- Decorar a imaxe de Rosalía con gran variedade de materiais plásticos expostos no mural que está diante da porta da biblioteca. 

A actividade era voluntaria e houbo moita participación por parte do alumnado. 

Aquí tedes o vídeo resume da actividade:

2.- Ilustrar o poema "Adios ríos, adios fontes". Todo o alumnado desde Infantil a 6º E.P. participou na actividade. Repartíronse as estrofas por cursos e ilustráronse nas aulas para posteriormente pegalas no mural.

5º6º Infantil

Adios ríos, adios fontes;

adios regatos pequenos

adios vista dos meus ollos

non sei cando nos veremos. 

4º Infantil

Miña terra, miña terra,

terra donde me eu criei

hortiña que quero tanto

figueiriñas que prantei.

1º2º E.P.

Prados, ríos, arboredas,

pinares que move o vento

paxariños piadores

casiña do meu contento. 

Muíño dos castañares

noites craras do luar, 

campaniñas timbradoras

da igrexiña do lugar.

3º E.P.

Amoriñas das silveiras

que eu lle daba ó meu amor,

caminiños antre o millo, 

adios, para sempre adios!

Adios gloria! Adios contento!

deixo a casa onde nacín,

deixo a aldea que conozo

por un mundo que non vin!

4º E.P.

Deixo amigos por extraños,

deixo a beiga polo mar,

deixo, en fin, canto ben quero...

que pudera non deixar!

Adios, adios, que me vou,

herbiñas do camposanto,

donde meu pai se enterrou, 

herbiñas que biquei tanto.

Terriña que nos criou.

5º E.P.

Xa se oien lonxe, moi lonxe,

as campanas do Pomar;

para min, ai! coitadiño,

nunca máis han de tocar.

Xa se oien lonxe, máis lonxe

cada balada é un dolor;

voume soio, sen arrimo...

Miña terra. Adios! Adios!

6º E.P.

Adios tamén queridiña!

Adios por sempre, quizais!

Dígoche este adios chorando

desde a beiriña do mar.

Non me olvides, queridiña,

se morro de soidás...

tantas légoas mar adentro...

Miña casiña! Meu lar!

Adios ríos, adios fontes,

adios, regatos pequenos.

Adios vista dos meus ollos´

non sei cando nos veremos.

Cada curso pegou cadanseu poema ilustrado. 

Remata a actividade recitando cada curso a estrofa que ilustrou. 

ADIOS RÍOS, ADIOS FONTES  (poema ilustrado e recitado)